Temple 22 : திருக்கருகாவூர்

கும்பகோணத்துக்குத் தென்மேற்கில் சுமார் 20 கி.மீ தொலைவிலுள்ளது  திருக்கருகாவூர் அருள்மிகு கர்ப்பரட்சாம்பிகை திருக்கோயில். ‘கரு காத்த ஊர்’ என்பதே மருவி ‘கருகாவூர்’ என்றாகி, திருவுடன் சேர்த்து விளங்குகிறது.

குழந்தைப்பேறு இல்லாதவர்கள், இங்கு வந்து, அம்பாள்  சந்நிதியில் உள்ள படியை நெய்யால் மெழுகி, அரிசிமாவால் கோலமிட்டு, அம்பாளிடம் மனம் உருக வேண்டிக்கொள்ள வேண்டும். அத்துடன், அம்பாள் பாதத்தில் வைத்து மந்திரித்து கொடுக்கப்படும் நெய்யை வாங்கிப்போய், அதனுடன் மேற்கொண்டு கொஞ்சம் நெய் சேர்த்து, இரவு படுக்கைக்குப் போகும்போது தம்பதியர் இருவரும் கொஞ்சமாக எடுத்து, அம்பாளை நினைத்தபடி நாற்பத்து எட்டு நாட்களுக்கு சாப்பிட்டு வர வேண்டும். பெண்கள் மாதவிலக்கின் ஐந்து நாட்களுக்கு மட்டும் சாப்பிடக் கூடாது. இதையெல்லாம் கடைப்பிடித்து வந்தால், நெய் தீரும் காலத்துக்குள்ளாகவே மழலை வரம் கிடைத்து விடும். குழந்தை பிறந்த பிறகு, அம்பாளிடம் வந்து ஆசி பெற்றுக்கொள்ள வேண்டும்!